Stedjeåsen

2,5 km ein veg, 520 høgdemeter. Turen startar på parkeringsplassen ved Stedje kyrkje/Stedje barnehage. Ein følgjer vegstubben Rødstokken til endes og tek snarvegen opp til enden av vegen Stedjeåsen. Ta til venstre og gå gjennom grinda bak einebustaden. Derfrå følgjer ein merka sti i bratt terreng via Ospehaug til Stedjeåsen. Rundtur øvre delar av ruta oppe på Stedjeåsen, som er innom utsiktspunkt ut Sogndalsfjorden. Markeringa i kartet er gjort på skjønn, og ikkje etter GPS måling.