NYKO debuterer i Lom

Gamaldansgruppa NYKO debuterer i Lom! Etter å ha gjort eit sensasjonelt comeback under Landsfestivalen i Oppdal i fjor der dei gjekk til topps i den gjæve gruppespelklassa, hadde Kolden & co sitt siste speloppdrag på Folkelarm i november. Kjell Arne Kolden takka for seg, men resten av gruppa hadde lyst til å halde fram med låtinga, dermed fekk dei inn Even Offerdal Bakken som ny trekkspelar. Den nye gruppa går dermed under namnet NYKO! Jakupscena er storvegs tilfredse med at dei vil debutere på vår sesongopning, som går av stabelen i grendahuset i Li’n – Lidarende, 12. februar klokka 19.00. Konserten blir ein såkalla dansekonsert. Det vil seia at det er som ein vanleg konsert der ein kan sitta og lytte til, men dei som vil kan prøve ut musikken til dans. Konserten vil tradisjonen tru bli opna av eit av ungdomstalenta i Lom og Skjåk, og denne gongen får vi høyre Lillian Brimi Bohm.