Vekslinuten (Njoten) 288 moh

Dette er ein fin tur for ungar, i underkant av tre kilometer kvar veg. På toppen har du fin utsikt både nord- og vestover.

Toppen ligg rett aust for krysset til Svartasmoget. Parkering ca. 400 sør for krysset. Her går det fin traktorveg innover. Etter ca 400 meter deler vegen seg. Følgjer du traktorvegen vidare austover kjem du opp til ei høgspentline, og du kan følgja sti nordover og etterkvart vestover igjen mot toppen. Siste stykket kan vera blautt, elles er det gode stiar med god merking.