Litteraturkveld på Finnøy: Kristi Furubotn om Glassmaneter

Denne litteraturkvelden finn stad på Ottohuset. Kristi Furubotn kjem og snakkar om boka si Glassmaneter: Alva blir heilt slått ut når patologane oppdagar kreftceller i livmorhalsen hennar. Som spesialsjukepleiar kjenner ho altfor godt til kva ein slik diagnose kan bety – kunnskapen som vanlegvis er ein styrke, blir plutseleg noko som gjer alt endå meir overveldande. Ho prøver å halde kontrollen ved å bruke faglege strategiar for å roe seg ned: pustar roleg ut, tel nokre sekund, og dreg inn nytt luft. Ho løfter kneet for å sjekke balansen, slik ho veit at ein del helsearbeidarar gjer – evna til å stå på eitt bein kan seie noko om helsetilstanden over tid. Kroppen hennar fungerer, men tankane går dit dei ikkje vil. Ho veit òg at når kroppen først startar prosessen som fører til død, finst det ingen mekanismar som kan stoppe dei biologiske endringane som kjem etterpå. Fagkunnskapen hennar slår inn frå alle kantar, på godt og vondt. Om forfattaren: Kristi Furubotn, fødd i 1958, er både forfattar, musikar og spesialsjukepleiar innan anestesi og operasjon. Ho har gitt ut fleire bøker tidlegare, både skjønnlitterære og faglege. Billettpris kr 50,- som blir å betala i døra på Ottohuset. Dette er eit samarbeid mellom Biblioteket og Ottohuset.